یورپ نئی آواز ( نیوز ڈیسک ) سپین حکام کے مطابق پولیس نے 200 سے زائد چینی باشندوں کو مالی بدعنوانی کے الزام میں گرفتار کیا ہے۔
تفصیلات کے مطابق یہ گرفتاریاں کال سینٹرز سے متعلق ایک کروڑ ساٹھ لاکھ یورو پر مشتمل بدعنوانی کی تحقیقات سے منسلک ہیں ، ان مشتبہ افراد نے خود کو پولیس اہلکار ظاہر کرتے ہوئے چینی خاندانوں کو قائل کیا تھا کہ وہ بینک میں رقم جمع کروائیں۔
حکام کا کہنا ہے انھوں نے میڈرڈ، بارسیلونا اور الیکانتے میں 13 کال سینٹروں کا پتا لگایا ہے اور انھیں بند کر دیا ہے۔
اس کارروائی میں 600 اہلکاروں نے حصہ لیا ، ہسپانوی پولیس کے کرائم کمشنر الوئے کوئروس نے نیوز کانفرنس میں بتایا: ’ہم ہزاروں چینی شہریوں کی بات کر رہے ہیں، جن میں زیادہ تر کا تعلق غریب خاندانوں سے ہے، جن کی جمع پونجی لوٹ لی گئی ہے۔‘
